अजितदादा मविआसोबत येऊन भाजपला टक्कर देणार? पिंपरी चिंचवडमध्ये मोठ्या घडामोडी, पवारांचा खास माणूस दादांच्या भेटीला

अभिजीत पोते, प्रतिनिधी, पुणे : पुणे आणि पिंपरी चिंचवड महापालिका निवडणुकीत भाजपला रोखण्यासाठी महाविकास आघाडीने अजित पवार यांच्याशी हातमिळवणी करण्याची तयारी दर्शवली आहे. शरद पवार यांच्या राष्ट्रवादीचे नेते तुषार कामाठे यांनी अजित पवार यांची भेट घेऊन मविआसोबत एकत्र निवडणूक लढविण्याचा प्रस्ताव अजित पवार यांना दिला आहे. भाजपविरोधात समविचारी पक्षांनी एकत्र या, अशा सूचना पक्षाकडून मिळालेल्या असल्याने अजित पवार यांची भेट घेतल्याचे कामाठे यांनी सांगितले. महाविकास आघाडीच्या प्रस्तावानंतर अजित पवार नेमकी काय भूमिका घेणार, याकडे राज्याचे लक्ष लागले आहे.