Muslim Royal Family : ना हिजाब, ना पडदा; बायको क्विन तर मुलगी सैन्यात पायलट… 'या' मुस्लीम राजाची आधुनिक दुनिया

Published by:Devika Shinde

Last Updated:Dec 16, 2025 9:59 PM IST

त्यांच्या मते, इस्लाममध्ये पर्दा हा डोळ्यांचा आणि विचारांचा असतो, केवळ कपड्यांचा नाही. हिजाब परिधान करणे किंवा न करणे ही माझी वैयक्तिक निवड आहे आणि धर्मात कोणत्याही प्रकारची जबरदस्ती नाही.

मुंबई : पंतप्रधान नरेंद्र मोदी यांच्या जॉर्डन दौऱ्यामुळे किंग अब्दुल्ला द्वितीय (King Abdullah II) यांचे कुटुंब सध्या चर्चेत आहे. हे कुटुंब केवळ जॉर्डनचे नाही, तर संपूर्ण मुस्लिम जगतासाठी खास आहे, कारण किंग अब्दुल्ला हे थेट इस्लामचे पैगंबर मोहम्मद साहब यांचे 41 वे वंशज आहेत. एका मुस्लिम देशाचे प्रमुख असूनही, त्यांचा परिवार रूढिवादी बंधनांपासून दूर, आधुनिक जीवनशैली जगतो. विशेष म्हणजे, त्यांच्या कुटुंबातील महिला बुर्का किंवा हिजाब परिधान करण्याच्या बंधनांमध्ये नाहीत.

किंग अब्दुल्ला यांची पत्नी क्वीन रानिया अल-अब्दुल्ला (Queen Rania) यांना जगभरातील सर्वात सुंदर आणि फॅशनेबल महिला नेत्यांमध्ये गणले जाते. त्या नेहमीच डिझायनर वेस्टर्न ड्रेसेस, ट्राउझर्स आणि स्कर्ट्समध्ये दिसतात. त्यांचे केस मोकळे असतात आणि त्या जगभरातील परिषदांमध्ये बेधडकपणे आपली मते मांडतात.

क्वीन रानिया यांनी अनेक मुलाखतींमध्ये पर्दा करण्याबद्दलचे आपले विचार स्पष्ट केले आहेत. त्यांच्या मते, इस्लाममध्ये पर्दा हा डोळ्यांचा आणि विचारांचा असतो, केवळ कपड्यांचा नाही. हिजाब परिधान करणे किंवा न करणे ही माझी वैयक्तिक निवड आहे आणि धर्मात कोणत्याही प्रकारची जबरदस्ती नाही. त्यांच्या या भूमिकेमुळे त्या जगभरातील महिलांसाठी एक प्रेरणास्रोत ठरल्या आहेत.

किंग अब्दुल्ला आणि क्वीन रानिया यांच्या चारही मुलांचे संगोपन अतिशय आधुनिक पद्धतीने झाले आहे. त्यांना जगातील सर्वोत्तम पाश्चात्त्य शिक्षण संस्थांमध्ये (Western Educational Institutions) शिक्षण मिळाले आहे.

सर्वात मोठा मुलगा क्राऊन प्रिन्स हुसैन (जन्म 1994) हे भविष्यातील राजा आहेत. त्यांनी अमेरिकेतील जॉर्जटाउन युनिव्हर्सिटीतून इंटरनॅशनल हिस्ट्रीची पदवी घेतली. तसेच, त्याचे वडील आणि आजोबांप्रमाणेच त्यांनी ब्रिटनच्या रॉयल मिलिटरी ॲकॅडमी सँडहर्स्टमध्ये (Sandhurst) लष्करी प्रशिक्षण पूर्ण केले आहे आणि ते सध्या जॉर्डनच्या सैन्यात कॅप्टन आहेत. नुकताच त्यांचा भव्य विवाहसोहळा पार पडला.

या कुटुंबाची खरी ओळख प्रिन्सेस सलमा (जन्म 2000). तिने कुटुंबातील ए टिपिकल राजकन्या या प्रतिमेला छेद देत इतिहास रचला. तिने सँडहर्स्ट येथून प्रशिक्षण घेतले आणि त्या जॉर्डनच्या सैन्यातील पहिल्या महिला जेट पायलट बनली. एका मुस्लिम देशाची राजकुमारी लढाऊ विमान उडवते, हा संपूर्ण जगासाठी एक मोठा आणि सकारात्मक संदेश आहे.

याशिवाय, प्रिन्सेस ईमान (जन्म 1996) यांनीही जॉर्जटाउन युनिव्हर्सिटीमधून शिक्षण घेतले, तर सर्वात लहान मुलगा प्रिन्स हाशिम (जन्म 2005) सध्या जॉर्जटाउन युनिव्हर्सिटीत शिक्षण घेत आहे.

किंग अब्दुल्ला हे केवळ राजवाड्यापर्यंत मर्यादित नाहीत, तर त्याच्या लाइफस्टाइलमध्ये साहस आणि ॲडव्हेंचर भरलेले आहे. तो एक प्रशिक्षित पायलट आहे आणि कोब्रा अटॅक हेलिकॉप्टर उडवू शकतो. त्यांची विज्ञानावरील आणि सायन्स फिक्शनवरील आवड इतकी आहे की, त्याने एकेकाळी त्यांच्या आवडत्या टीव्ही सिरीज 'स्टार ट्रेक: वॉयजर' मध्ये एक छोटा 'कॅमियो' (Cameo) देखील केला होता.

तो अनेकदा वेश बदलून (डिस्गाइझमध्ये) सामान्य जनतेत मिसळतो, टॅक्सी ड्रायव्हर बनतो, जेणेकरून सरकारी सेवांचा दर्जा आणि जनतेचे अनुभव थेट जाणून घेता येतात.

जॉर्डनचे हे शाही कुटुंब सिद्ध करते की, एका मुस्लिम कुटुंबाला आधुनिक राहण्यासाठी परंपरा सोडण्याची गरज नाही. त्यांनी आपल्या महिलांवर रूढिवादी नियम लादले नाहीत. एका बाजूला पारंपरिक अरबी समारंभात तलवार घेऊन नृत्य करणारा राजा, तर दुसऱ्या बाजूला जीन्स घालून महिला सक्षमीकरणाचा संदेश देणारी पत्नी आणि फाइटर प्लेन उडवणारी मुलगी; हेच जॉर्डनच्या आधुनिकता आणि इस्लामच्या समन्वयाचे प्रतीक आहे.

view comments

Location :

Mumbai,Maharashtra

First Published :

Dec 16, 2025 8:32 PM IST

Muslim Royal Family : ना हिजाब, ना पडदा; बायको क्विन तर मुलगी सैन्यात पायलट… 'या' मुस्लीम राजाची आधुनिक दुनिया