समजूतदारपणा दाखवायला हिंमत लागते! ईश्वर चिठ्ठीतून MIM च्या उमेदवाराने घेतली माघार, सगळे करताय कौतुक

अकोला : राज्यात महापालिका निवडणुकीची धामधूम सुरू आहे. अर्ज मागे घेतल्यामुळे आता मैदानात कोण कोण आहे, याचं चित्र आता स्पष्ट झालं आहे. पण, तिकीट मिळवण्यासाठी राज्याभरात इच्छुक उमेदवारांची रडारड, बेशुद्ध पडणे, उपोषणाला बसण्याचे प्रकार अवघ्या महाराष्ट्राने पाहिले. एवढंच नाहीतर काही ठिकाणी तर आपल्याच नेत्याची कार अडवून काळा स्प्रे मारला होता. पण, लोकशाहीमध्ये समजूतदार पणा काय असतो, हे  अकोल्यात पाहण्यास मिळालं.  नामांकन अर्ज मागे घेण्याच्या अंतिम दिवशी अनेक उमेदवारांनी विविध कारणांनी आपले अर्ज मागे घेतले. मात्र एमआयएमच्या एका उमेदवाराने अतिशय वेगळ्या आणि चर्चेत राहणाऱ्या कारणामुळे आपला नामांकन अर्ज मागे घेतल्याची घटना समोर आली आहे.