Amravati News: कुष्ठरुग्णांसाठी रोजगाराची नवी संधी, महाराष्ट्रात इथं शेणापासून जळाऊ लाकूड निर्मिती प्रकल्प सुरू, Video

अमरावती: अमरावती शहरातील विदर्भ महारोगी सेवा मंडळ तपोवन याठिकाणी कृष्ठ बांधवांसाठी नवनवीन उपक्रम सुरू केले जातात. आता त्यांच्या हाताला काम मिळण्यासाठी गाईच्या शेणापासून जळाऊ लाकूड तयार करण्यात येत आहे. त्यासाठी त्यांना आधार फाउंडेशन अमरावती यांच्याकडून जळाऊ लाकूड तयार करण्याची मशीन देण्यात आली आहे. त्या माध्यमातून आता नवीन व्यवसाय सुरू झाला आहे. तपोवन मधील गो शाळा परिसरात या मशीनचे सेटअप लावले आहे. तेथीलच गाईचे शेण, कचरा, लाकडाचा भुसा जळाऊ लाकूड बनविण्यासाठी वापरला जातो. याबाबत माहिती संस्थेचे अध्यक्ष डॉ. सुभाष गवई यांनी दिली आहे.