बालाजी भक्तांना दिलासा! अमरावती-तिरुपती एक्स्प्रेसबाबत महत्त्वाचं अपडेट, ‘या’ तारखेपर्यंत धावणार

अमरावती: तिरुपती बालाजी दर्शनासाठी जाणाऱ्या भाविकांची गर्दी बघता अमरावती-तिरुपती एक्सप्रेस गाडी सुरू करण्यात आली होती. अमरावती-तिरुपती एक्सप्रेस (क्रमांक 12766/12765) ही गाडी भाविकांसाठी अत्यंत सोयीची ठरली आहे. ही गाडी एका विशिष्ट मुदतीसाठी सुरू करण्यात आली होती. आता या गाडीची मुदत संपली आहे. मात्र, प्रवाशांचा वाढता प्रतिसाद आणि नवीन वर्षात होणारी भक्तांची मोठी गर्दी लक्षात घेऊन 29 जानेवारी 2026 पर्यंत मुदतवाढ देण्यात आली आहे. त्यामुळे भाविकांना दिलासा मिळणार आहे.