राष्ट्रसंत तुकडोजी महाराजांच्या पुण्यतिथीनिमित्त प्रबोधनपर कार्यक्रमांचे आयोजन 

अमरावती जिल्ह्यातील मोझरी हे गाव राष्ट्रसंत तुकडोजी महाराजांची कर्मभूमी आहे. त्याठिकाणी महाराजांची समाधी आहे. दरवर्षी 11 ऑक्टोबर रोजी राष्ट्रसंत तुकडोजी महाराजांची पुण्यतिथी याठिकाणी साजरी केली जाते. यावर्षी सुद्धा महाराजांचा पुण्यतिथी महोत्सव मोझरी येथे सुरू झाला आहे. सलग सात दिवस याठिकाणी मोठमोठे कार्यक्रम साजरे करण्यात येणार आहेत. मोझरी येथील गुरुकुंज नगरीत 5 ऑक्टोबर रोजी सकाळी पाच वाजता तीर्थ स्थापनेच्या विधीने राष्ट्रसंत श्री तुकडोजी महाराजांच्या 57 व्या पुण्यतिथी महोत्सवाचा भक्तीमय प्रारंभ झाला. याबाबत माहिती श्री गुरुदेव सेवा मंडळचे प्रसार प्रमुख प्रकाश वाघ यांनी दिली.