आई मी येतो घ्यायला... देव दर्शनहून येताना वाटेतच घडलं भयंकर, पहाटे कॉल आला अन् सगळं संपलं!

‎‎मंगळवारी दुपारी सिहोर येथे दर्शन झाल्यानंतर लता राजू परदेशी (47), आशा राजू चव्हाण (40 )दोघी रा. वाळूज दोघींनी मुलांना कॉल करून दर्शन चांगले झाल्याचे कळवले. रात्री 9 वाजता रेल्वे एका थांब्यावर असताना आशा यांनी मोठा मुलगा पवनला कॉल करून त्याला वडील, लहान भावासह जेवणाविषयी विचारपूस केली. पवनने आईला 'शहरात पोहोचल्यावर कॉल कर, मी तुला घ्यायला येतो', असे सांगितले होते. पहाटे उठून घ्यायला जाण्याच्या तयारीत तो होता. मात्र 5 वाजता आईच्या अपघाताचा कॉल आला. थरथरणाऱ्या अंगाने पवन घाटीत दाखल झाला. तेव्हा आठ तासांपूर्वी आनंदाने बोललेल्या आईचा मृतदेह पाहण्याची वेळ त्याच्यावर आली. त्याच्या आक्रोशाने घाटीतील उपस्थितांनाही अश्रू अनावर झाले होते.