'रवी राणांनी बालिशपणे...', अमरावतीच्या खासदाराची सडकून टीका, म्हणाले 'पत्नीच्या पराभवाचं नैराश्य...'

या टीकेला उत्तर देताना खासदार बळवंत वानखडे म्हणाले की, रवी राणा हे त्यांच्या पत्नीच्या पराभवाच्या नैराश्यातून अजूनही बाहेर आलेले नाहीत. त्यामुळेच ते सातत्याने पराभवाची खंत व्यक्त करतात. गेल्या पाच वर्षांत नवनीत राणांनी काय काम केले? हे जनतेसमोर आहे. त्यामुळे त्यांनी (रवी राणा) अशा बालिश टीका करू नये. जिल्ह्यात शेतकरी संकटात असताना रवी राणा आणि पालकमंत्री दहीहंडी कार्यक्रमात व्यस्त होते. तेव्हा मी शेतकऱ्यांच्या बांधावर जाऊन त्यांच्या अडचणी जाणून घेतल्या. त्यामुळे रवी राणा यांनी माझ्यावर बालिशपणे टीका करणे थांबवावे, असा जोरदार पलटवार वानखडे यांनी केला.