पोलीस अधिकाऱ्याचं टोकाचं पाऊल, घरात कुणी नसताना संपवलं जीवन, बीडमधील खळबळजनक घटना

बीड: बीड जिल्ह्याच्या अंबाजोगाई येथून एक धक्कादायक घटना समोर आली आहे. इथं एका पोलीस अधिकाऱ्याने अचानक आपलं आयुष्य संपवलं आहे. त्यांनी आपल्या राहत्या घरात गळफास घेऊन आत्महत्या केली आहे. सुनील नागरगोजे असं आत्महत्या करणाऱ्या पोलीस अधिकाऱ्याचं नाव आहे. ते पोलीस निरीक्षक पदावर कार्यरत होते. मात्र मागील चार महिन्यांपासून ते कर्तव्यावर नव्हते. एप्रिल २०२५ मध्ये त्यांचं निलंबन करण्यात आलं होतं. तेव्हापासून नागरगोजे हे नैराश्यात होते. यातूनच त्यांनी टोकाचं पाऊल उचललं असावं, अशी शक्यता वर्तवली जात आहे.