बीडमध्ये चाललंय काय? कलेक्टरच्या आदेशाला केराची टोपली, पोलीस ठाण्यासमोरच बॅनरवर झळकला वाल्मिक कराडचा फोटो

पोलिसांच्या आणि नगर परिषदेच्या समोरच हे बॅनर लावण्यात आल्याने आता जिल्हाधिकारी प्रशासन यावर काय कारवाई करणार, याकडे सर्वांचे लक्ष लागले आहे. बीडमध्ये आता कायद्याचं राज्य आहे की नाही? असा सवाल उपस्थित केला जाऊ लागला आहे. तसेच बीड जिल्ह्यातील मांजरसुंबा चौकात लक्ष्मण हक्के यांच्या समर्थकांनी संतोष देशमुख हत्या प्रकरणातील आरोपी वाल्मीक कराड यांच्या समर्थनार्थ घोषणाबाजी केल्याची माहिती देखील समोर आली होती.

बीड जिल्ह्यातील संतोष देशमुख हत्या प्रकरणी दाखल करण्यात आलेल्या आरोपपत्रात वाल्मिक कराड यांचा मुख्य सूत्रधार म्हणून उल्लेख करण्यात आला आहे. या प्रकरणातील मुख्य सूत्रधार वाल्मीक कराड याचा जामीन अर्ज विशेष मकोका न्यायाधीश व्यंकटेश पटवदकर यांच्या न्यायालयाने फेटाळला होता. त्यानंतर वाल्मीक कराडचा तुरूंगातील मुक्काम वाढला आहे.