Marriage Fraud: दोन लाख देऊन लग्न केलं, तीन तासांत नवरी ‘भुर्र’, पाहा बीडमध्ये काय घडलं?

बीड: सध्याच्या काळात लग्नासाठी मुली ही गंभीर सामाजिक समस्या बनत आहे. त्यामुळे फसवणुकीचे प्रकार देखील वाढत आहेत. बीडमधील केज तालुक्यात बनावट विवाहाची एक धक्कादायक घटना उघडकीस आली आहे. कोद्री येथील नागेश देवीदास जगताप यांच्याकडून तब्बल 1 लाख 90 हजार रुपये घेऊन एका एजंटने लग्न लावून दिले; मात्र नवरीने सासरी येताच केवळ तीन तासांत पळ काढण्याचा प्रयत्न केला. वेळेवर ग्रामस्थांच्या सतर्कतेमुळे तिचा हा प्रयत्न फसला आणि संपूर्ण प्रकरण बाहेर आल्यानंतर पोलिसांनी फसवणुकीचा गुन्हा नोंदवला आहे.