बिझनेस पार्टनर जीवावर उठला, बीडमध्ये शिवसेना नेत्यावर प्राणघातक हल्ला, मध्यरात्री मदत मागितली मग...

बीड: बीड शहरालगत असणाऱ्या पालवण गावात एक धक्कादायक प्रकार घडला आहे. इथं एका शिवसेनेच्या पदाधिकाऱ्यावर जीवघेणा हल्ला केला आहे. मध्यरात्री आरोपींनी मदत मागण्याच्या बहाण्याने शिवसेना पदाधिकाऱ्याला घराबाहेर बोलावलं. यानंतर दबा धरलेल्या नराधमांनी शिवसेना पदाधिकाऱ्यावर जीवघेणा हल्ला केला. या हल्ल्यात ते गंभीर जखमी झाले आहेत. हा हल्ला दुसरा तिसरा कुणी नव्हे तर बिझनेस पार्टनरनेच केल्याची माहिती समोर आली आहे. प्रकरणी गुन्हा दाखल करण्यात आला असून पोलीस पुढील तपास करत आहेत.