भारताच्या स्वातंत्र्यदिनी तरुणांसाठी नोकरीची सर्वात मोठी संधी; आताच करा अप्लाय!

बीड, 15 ऑगस्ट: अनेक तरुणांची इच्छा असते की उच्च शिक्षण घेऊन एखाद्या चांगल्या ठिकाणी नोकरीमध्ये कार्यरत व्हायचे. मात्र सरकारी क्षेत्रामध्ये नोकरी मिळणे म्हणजे लॉटरी लागण्यासारखे झाले आहे. मागील अनेक वर्षांपासून सरकारी नोकर भरती प्रक्रिया क्वचित प्रमाणात निघत होती. त्यामुळे काही जागांसाठी लाखो अर्ज येत असल्याचे चित्र आहे. परंतु, गेल्या कित्येक वर्षांपासून प्रतिक्षेत असणारी जिल्हा परिषदेची मेगा भरती अखेर जाहीर झाली आहे. बीड जिल्हा परिषदेत 568 पदांची भरती होणार आहे.