बीडमध्ये 12 वर्षांच्या मुलीवर 2 नराधमांचा अत्याचार, 8 दिवसांत दुसऱ्यांदा घडला प्रकार

सुरेश जाधव, प्रतिनिधी बीड: बीड जिल्ह्याच्या परळी शहरात पुन्हा एकदा एक खळबळजनक घटना समोर आली आहे. शहराच्या बरकत नगर परिसरात एका १२ वर्षीय बालिकेवर दोन नराधमांनी अत्याचार केले आहेत. तर इतर दोघांनी त्यांना मदत केली. या प्रकरणी परळीच्या संभाजीनगर पोलीस ठाण्यात चार आरोपींविरोधात गुन्हा दाखल करण्यात आला आहे. अवघ्या आठ दिवसांपूर्वीच परळीतील रेल्वे स्थानक परिसरात एका बालिकेवर अत्याचार झाल्याची घटना घडली असताना, पुन्हा असाच प्रकार घडल्याने सर्वत्र संताप व्यक्त केला जात आहे.