Beed Tourism: विहंगम दृश्य अन् अध्यात्मिक शांतता, इथं श्रावणात होते हजारोंची गर्दी

बीड: जिल्ह्यातील एक प्रसिद्ध धार्मिक स्थळ म्हणून गोरक्षनाथ टेकडी ओळखली जाते. बीड शहरापासून अवघ्या 19 किलोमीटर अंतरावर असलेली ही टेकडी श्रद्धाळू भाविकांसाठी अत्यंत पवित्र स्थान मानली जाते. दरवर्षी असंख्य भक्तगण गोरक्षनाथ महाराजांच्या दर्शनासाठी येतात. या टेकडीवर गोरक्षनाथ महाराजांचे मंदिर असून परिसरात शांतता आणि अध्यात्मिक वातावरणाचा अनुभव घेता येतो. सद्गुरू संत किसन बाबा आणि संत नवनाथ बाबा यांसारखे संत या टेकडीला लाभले आहेत.