BJP Solapur : भाजपात 'इनकमिंग'वर बंडाचे निशाण! कार्यकर्त्यांचं थेट पक्ष कार्यालयासमोर आंदोलन

सोलापूर: भाजपमध्ये जोरदार इनकमिंग सुरू असून इतर पक्षातील नेत्यांकडून कमळ हातात घेतले जात आहे. मात्र, या इनकमिंगवरून भाजपातच धुसफूस सुरू झाली आहे. ‘पार्टी विथ डिफरन्स’ अशी ओळख असलेल्या भारतीय जनता पक्षात अंतर्गत नाराजीचे सूर अधिक तीव्र होताना दिसत आहेत. सोलापूर जिल्ह्यातील भाजप कार्यकर्तेच आज भाजप कार्यालयासमोर धरणे आंदोलन करणार असल्याने राजकीय वर्तुळात खळबळ उडाली आहे.