'पक्षाने बळ दिलं नाही', मुनगंटीवारांच्या वक्तव्यावर CM फडणवीस यांची पहिली प्रतिक्रिया

मुंबई: नगरपंचायत आणि नगरपरिषद निवडणुकीमध्ये भाजप हा सर्वात मोठा पक्ष ठरला आहे. पण, काही ठिकाणी भाजपचे ज्येष्ठ नेते आणि माजी मंत्री सुधीर मुनगंटीवार यांना चंद्रपूरमध्ये पराभवाचा सामना करावा लागला. यासाठी त्यांनी पक्षातून बळ दिलं नाही, असा आरोप केला होता. "पक्षाने बळ दिलं नाही, असं मुनगंटीवार म्हणाले. असं नाही, पक्षाची दारं कुठल्या समाजासाठी बंद नाही. कुठल्या व्यक्तीसाठी बंद नाही.  सुधीरभाऊंना कुठली ताकद कमी झाली असेल तर त्याची भरपाई चंद्रपूर महापालिका निवडणुकीत पूर्ण ताकद देऊन तिथे विजय मिळवू' असं म्हणत मुख्यमंत्री देवेंद्र फडणवीस यांनी चंद्रपूर पराभवावर भाष्य केलं.