बाळाला वाचवण्यासाठी आई धावली, पण त्यांनी औषध नव्हे विषच दिलं, कल्याणमधील धक्कादायक प्रकार

कल्याण : राज्यात गेल्या काही दिवसांत निकृष्ट औषधांचा मुद्दा वारंवार चर्चेत येत असून पुन्हा आता आरोग्य व्यवस्थेतील हलगर्जीपणा दिसून आलेला आहे. हे सध्या समोर आलेल्या एका धक्कादायक घटनेतून समोर आलेले आहे. कल्याण तालुक्यातील गोवेली ग्रामीण रुग्णालयात अवघ्या दहा महिन्यांच्या बाळाला मुदत संपलेले औषध देण्याचा धक्कादायक आणि तितकाच संतापजनक प्रकार उघडकीस आलेला आहे.या घटनेमुळे परिसरातील नागरिकांमध्ये खळबळ उडाली आहे.