आई....आई.... चिमुकला हुंदके देत राहिला, महिलेची रेल्वेखाली उडी; सुन्न करणारा प्रसंग, बुलढाणा हादरलं

आई... आई... चिमुकला हुंदके देत राहिला. त्याचा हाटो पाहून आजूबाजूच्या लोकांना गहिवरुन आलं. पण त्याच्या मनावर काय जात होतं याची कल्पनाही करु शकत नाही. मन सुन्न करणारी घटना बुलढाण्यात घडली आहे. कौटुंबिक कलह आणि जाचाला कंटाळून महिलेनं मुलाच्या डोळ्यादेखत आपलं आयुष्य संपवलं. आयुष्य संपवण्याची पद्धतही इतकी भीषण होती की त्या मुलाच्या मनावर काय परिणाम झाला असेल याचा विचार केला तरी अंगावर काटा येईल.