Buldhana : अपघातात भिकाऱ्याचा मृत्यू, गोधडीत सापडले लाखो रुपये; बँक खात्यातली रक्कम पाहून पोलीस चक्रावले

राहुल खंडारे, बुलढाणा, 11 नोव्हेंबर : बुलढाणा जिल्ह्यात अपघातात मरण पावलेल्या एका भिकाऱ्याकडे लाखो रुपयांचे घबाड सापडले आहे. बुलढाणा जिल्ह्यातील मेहकर तालुक्यात डोणगाव रोडवर सायकलस्वार भिकाऱ्याला अज्ञात दुचाकीस्वाराने धडक दिली. या अपघातात दीपक मोरे नामक हा भिकारी गंभीरित्या जखमी झाला होता. त्याला सुरुवातीला मेहकर येथील स्थानिक रुग्णालयात उपचारार्थ दाखल करण्यात आलं होतं. पण पुढील उपचारासाठी इतरत्र हलवण्यात आले. तिथे उपचारावेळी त्याचा मृत्यू झाला.