गद्दारी करणाऱ्यांना पुन्हा स्थान मिळत असेल तर.... काकाच्या विरोधात पुतणीने रणशिंग फुंकलं

बुलडाणा : अजित पवार यांच्या राष्ट्रवादी काँग्रेस पक्षाचे नेते माजी मंत्री राजेंद्र शिंगणे हे शरद पवार यांच्या पक्षाची तुतारी हाती घेण्याची शक्यता आहे. राजेंद्र शिंगणे यांनी बुलडाणा जिल्ह्यातील सिंदखेडराजा मतदारसंघातील प्रमुख कार्यकर्ते आणि पदाधिकाऱ्यांची बैठक बोलावली होती. या बैठकीत तुतारी चिन्हावरच लढावे, अशी बहुसंख्य पदाधिकाऱ्यांची इच्छा असल्याचे सांगत मी कार्यकर्त्यांच्या पुढे जाऊ शकत नाही, असे उघडपणे शिंगणे यांनी सांगत काहीच दिवसांत पवार गटात पक्षप्रवेश होणार असल्याचे संकेत दिले. त्यांच्या निर्णयाविरोधात त्यांची पुतणी गायत्री शिंगणे यांनी भूमिका घेऊन काकांच्या विरोधात लढण्यासाठी तयारी सुरू केली आहे.