Buldhana Crime News : दारू पिण्यासाठी पैसे दिले नाही म्हणून तरुणानं गमावला जीव, बुलढाण्यातील घटनेनं खळबळ

बुलढाणा, राहुल खंडारे प्रतिनिधी : बुलढाण्यामधून एक धक्कादायक बातमी समोर आली आहे. दारू पिण्यासाठी पैसे न दिल्यानं एकाची हत्या करण्यात आली आहे. या घटनेनं खळबळ उडाली आहे. दीपक सिसोदिया असं खून झालेल्या व्यक्तीचं नाव आहे, तर राजेंद्र कांडेलकर असं आरोपीचं नाव आहे. राजेंद्र कांडेलकर यानं दीपक यांच्यावर धारदार शस्त्रानं वार केला. या हल्ल्यात गंभीर जखमी झालेल्या दीपक यांचा मृत्यू झाला आहे. दरम्यान घटनेची माहिती मिळताच पोलीस तातडीनं घटनास्थळी पोहोचले. पोलिसांनी आरोपी राजेंद्र कांडेलकर याला अटक केली आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.