Mumbai Metro: मेट्रो 3च्या वेळेत मोठा बदल, कसं असेल सुट्टीच्या दिवशी वेळापत्रक?

मुंबई: वाहतूक कोंडीची समस्या सोडवण्यासाठी मुंबईमध्ये मेट्रोचा मोठ्या प्रमाणात विस्तार सुरू आहे. वरळी आणि आरे यांमधील मेट्रो 'मुंबई मेट्रो लाइन 3'चा भाग आहे. आरे ते बीकेसी या पहिल्या टप्प्याचे उद्घाटन ऑक्टोबर 2024 मध्ये झालं आणि बीकेसी ते आचार्य अत्रे चौक या दुसऱ्या टप्प्याचं उद्घाटन मे 2025 मध्ये झालं होतं. याच लाईनवर कुलाबा-वांद्रे-सीप्झ-आरे दरम्यान प्रवास करणाऱ्या मुंबईकरांसाठी एक आनंदाची बातमी समोर आली आहे. आतापर्यंत रविवार आणि सार्वजनिक सुट्ट्यांच्या दिवशी सकाळी 8 वाजून 30 मिनिटांनी सुरू होणारी मेट्रो 3 सकाळी 6 वाजून 30 मिनिटांपासूनच सुरू होणार आहे. हा बदल येत्या 31 ऑगस्टपासून होणार आहे.