Mumbai Metro: आता बिनदास्त बघा गणपती! वरळी ते आरे मेट्रो मध्यरात्रीपर्यंत धावणार, कसं असेल वेळापत्रक?

मुंबई: 27 ऑगस्ट (बुधवार) पासून गणेशोत्सवाला सुरुवात होणार आहे. मुंबईमध्ये हा उत्सव मोठ्या दणक्यात साजरा केला जातो. याकाळात लाखो मुंबईकर गणपती बघण्यासाठी घराबाहेर पडतात आणि रात्री उशीरापर्यंत प्रवास करतात. ही बाब लक्षात घेऊन मुंबई मेट्रो रेल कॉर्पोरेशन लिमिटेडने (एमएमआरसीएल) एक महत्त्वाचा निर्णय घेतला आहे. गणेशोत्सवादरम्यान मेट्रो 3 ची सेवा वाढवण्याचा निर्णय एमएमआरसीएलने घेतला आहे. गणेशोत्सवादरम्यान 27 ऑगस्ट ते 6 सप्टेंबर दरम्यान मध्यरात्री 12 वाजेपर्यंत मेट्रोचे कामकाज सुरू राहील.