Chhatrapati Sambhajinagar: चिमुकला खेळायला गेला, तो परतलाच नाही, छ. संभाजीनगरमधील संतपाजनक घटना

बुधवारी दुपारच्या सुमारास ईश्वर खेळण्यासाठी घराबाहेर पडला. घराबाहेर नेहमीच्या मुलांसोबत खेळत होता. बराच वेळ झाला तो घरी आला नाही. यामुळे त्याची आई रेखा यांनी ईश्वरचा शोध घ्यायला सुरुवात केली. ईश्वर हा मुलांसोबत खड्ड्याकडे खेळण्यासाठी गेल्याचे आईला कळाले. यामुळे रेखा या खड्ड्यापर्यंत गेल्या. यावेळी त्यांना ईश्वरचा मृतदेह खड्ड्यातील पाण्यात तरंगताना दिसला. मृतदेह बघताच आईच्या पायाखालची जमीन सरकली. रेखा यांनी घटनास्थळी टाहो फोडत खड्ड्यात उडी मारली. स्थानिकांनी रेखा यांना वाचवले. दरम्यान, ईश्वरला खड्ड्यातून बाहेर काढून रुग्णालयात दाखल केले असता डॉक्टरांनी तपासून मृत घोषित केले.

शहरात महाराष्ट्र जीवन प्राधिकरणाकडून हे काम सुरू आहे. हैदराबादच्या जेव्हीपीआर कंपनीला हे काम देण्यात आले आहे. मनपाचे या कामाकडे लक्ष आहे. स्वतंत्र चॉइस नावाची पीएमसीदेखील नेमण्यात आली आहे. शिवाय विभागीय आयुक्तांच्या अध्यक्षतेखाली स्वतंत्र कमिटी नेमण्यात आली आहे. काम कुठे थांबले तर पोलिसांची मदत घेतली जाते. एवढ्या मोठ्या प्रशासकीय यंत्रणा, बडे अधिकारी या योजनेकडे लक्ष ठेवून आहेत. न्यायालयाच्या निगराणीखाली हे काम सुरू आहे. असे असतानादेखील हलगर्जीपणामुळे एका चिमुकल्याला जीव गमवावा लागला. या घटनेवर नागरिकांतून संताप व्यक्त होत असून खड्डे बुजवण्याची मागणी होतेय.