मराठवाड्यासाठी रेल्वेचा मास्टर प्लॅन, 3 नवे मार्ग होणार, संभाजीनगर-अहिल्यानगर रेल्वे थेट पुण्याला जाणार

छत्रपती संभाजीनगर : मराठवाड्यातील रेल्वे कनेक्टिव्हिटीला चालना देणाऱ्या तीन महत्त्वाच्या रेल्वेमार्गांचे सर्वेक्षण सध्या सुरू आहे. यामध्ये छत्रपती संभाजीनगर-अहिल्यानगर-पुणे हा महत्त्वाचा मार्ग होणार आहे. यासोबतच छत्रपती संभाजीनगर-बिडकीन-पैठण-गेवराई-बीड-सोलापूर आणि छत्रपती संभाजीनगर-वेरूळ-कन्नड-चाळीसगाव या मार्गांचा यात समावेश आहे. हे सर्व प्रकल्प लवकरात लवकर मार्गी लावावेत, अशी मागणी खासदार डॉ. भागवत कराड यांनी केंद्र सरकारकडे केली आहे.