घरात रात्री एकटी झोपली होती, ‘तो’ आला अन् 80 वर्षांच्या वृद्धेसोबत भयंकर कृत्य, छ. संभाजीनगरात संताप

पोलिसांनी दिलेल्या माहितीनुसार, पीडित महिला रात्री आपल्या घरात एकटी झोपलेली असताना आरोपी शेख रमजान याने घरात प्रवेश करून तिच्यावर लैंगिक अत्याचार केला. हा प्रकार शुक्रवारी सकाळी सुमारे नऊ वाजण्याच्या सुमारास उघडकीस आला. घटनेची माहिती मिळताच पीडितेच्या नातीने सोयगाव पोलीस ठाण्यात तक्रार दिली. त्यानंतर पोलिसांनी तात्काळ गुन्हा दाखल करून आरोपीचा शोध सुरू केला.

दरम्यान, पोलिसांनी तपासाची चक्रे वेगाने फिरवत तातडीने कारवाई करत आरोपी शेख रमजान याला शुक्रवारी सायंकाळी सुमारे आठ वाजण्याच्या सुमारास अटक केली. घटनेची गंभीरता लक्षात घेऊन रात्री उशिरा छत्रपती संभाजीनगर येथील न्याय सहाय्यक वैज्ञानिक प्रयोगशाळेच्या पथकाने घटनास्थळी भेट देऊन पंचनामा केला. या प्रकरणाचा पुढील तपास पोलीस निरीक्षक पंकज बारवाल यांच्या मार्गदर्शनाखाली उपनिरीक्षक गजानन आरेकर व त्यांच्या पथकाकडून सुरू आहे.