निवडणुकीसाठी काय पण! कर्मचाऱ्याचा थेट महानगरपालिकेतील सराकारी नोकरीचा राजीनामा

छत्रपती संभाजीनगर: ‎छत्रपती संभाजीनगरसह राज्यातील सर्वच महानगरपालिकांच्या निवडणुकांची रणधुमाळी सुरू झाली असून उमेदवारी मिळवण्यासाठी राजकीय पक्षांच्या कार्यालयात इच्छुकांची अक्षरशः गर्दी होत आहे. नगरसेवकपदासाठी राजकीय कार्यकर्त्यांबरोबरच आता महापालिकेतील कर्मचारीही पुढे सरसावत असल्याचे चित्र आहे. याच पार्श्वभूमीवर छत्रपती संभाजीनगर महानगरपालिकेतील एका कायमस्वरूपी चतुर्थश्रेणी कर्मचाऱ्याने थेट निवडणूक लढविण्यासाठी आपल्या नोकरीचा राजीनामा दिल्याची घटना घडली आहे.