Paithan Rain: पैठणमध्ये पावसाचं थैमान, पिके गेली वाहून, घरांत शिरलं पाणी, शेतकरी संकटात, Video

छत्रपती संभाजीनगर : पैठण तालुक्यात शनिवार मध्यरात्री ढगफुटीसदृश्य पावसाने कहर केला. पाचोड, आडूळ, कडेठण यासह विहामांडवा परिसरात अतिवृष्टी झाली. या मुसळधार पावसामुळे हर्षेबुद्रुक येथील शेतकऱ्यांच्या शेतात पाणी साचून खरीप हंगामातील तूर, उडीद, सोयाबीन, ऊस, कापूस आणि कांदा या पिकांचे मोठ्या प्रमाणात नुकसान झाले आहे, याबरोबरच नागरिकांच्या घरात तसेच रस्तावर पाणी साचल्याने जनजीवन विस्कळीत झाले. अचानक आलेल्या संकटाने शेतकरी हतबल असून सरकारी मदतीची मागणी होत आहे.