Chhatrapati Sambhajinagar: जन्माचा पुरावाच नाही! सिल्लोडमध्ये 192 जणांवर थेट कारवाई, मराठवाड्यात खळबळ

छत्रपती संभाजीनगर : सिल्लोड तालुक्यात जन्म नोंदणी प्रक्रियेत मोठ्या प्रमाणावर अनियमितता झाल्याचा गंभीर प्रकार उघडकीस आला असून, जन्मस्थळ आणि जन्मतारखेसंदर्भात वैध कागदपत्रांचा अभाव आढळल्याने उपविभागीय अधिकारी लतीफ पठाण यांनी 413 जन्म प्रमाणपत्रे रद्द करण्याचे आदेश दिले आहेत. या प्रकरणात संशयास्पद आणि अपूर्ण कागदपत्रांच्या आधारे जन्म प्रमाणपत्र मिळवणाऱ्या 192 नागरिकांविरोधात गुन्हे दाखल करण्यात आले असून, रद्द करण्यात आलेली सर्व प्रमाणपत्रे तत्काळ सीआरएस पोर्टलवरून वगळून मूळ प्रमाणपत्रे संबंधितांकडून परत घेण्याचे निर्देश प्रशासनाने दिले आहेत.