नशेत मित्रानेच केला मित्राचा खून, छ. संभाजीनगर हादरलं

छत्रपती संभाजीनगर, अविनाश कानडजे, प्रतिनिधी : छत्रपती संभाजीनगमधून मोठी बातमी समोर येत आहे. नशेत असलेल्या मित्रानेच मित्राची हत्या केली आहे. या घटनेनं खळबळ उडाली आहे.  छत्रपती संभाजीनगरच्या विश्रांतीनगरमध्ये ही घटना घडली आहे. अमोल उर्फ नंदू दाभाडे असं मृत तरुणाचं नाव आहे, तर निलेश चव्हाण असं आरोपीचं नाव आहे. विशेष म्हणजे गेल्या सात दिवसांमधील ही तीसरी हत्या आहे. त्यामुळे आता पोलिसांच्या कार्यपद्धतीवर प्रश्नचिन्ह उपस्थित करण्यात येत आहे. घटनेबाबत अधिक तपास सुरू असल्याची माहिती पोलिसांकडून देण्यात आली आहे.