महिनाभराचं ‘वेटिंग’ असलेल्या ट्रेनमध्ये अचानक रिकामे राहू लागले सीट; नांदेड-पुणे ट्रेनबाबत नेमकं काय घडलं?

‎छत्रपती संभाजीनगर: मराठवाड्यातून पुण्याकडे शिक्षण, नोकरी आणि कामानिमित्त येणाऱ्यांची संख्या मोठी आहे. पुण्याकडे येणारे बहुतांश लोक हे स्वस्तातल्या प्रवासासाठी रेल्वेलाच पसंती देतात. त्यामुळे या मार्गावरून धावणाऱ्या गाड्यांना नेहमीच गर्दी असते. विशेषत: नांदेड-पुणे एक्स्प्रेसला तर महिनाभराचं ‘वेटिंग’ असायचं. मात्र, आता गाडी पुण्याऐवजी हडपसरपर्यंत धावत आहे. त्यामुळे प्रवाशांची गैरसोय होत असून त्याचा थेट परिणाम रेल्वेच्या तिकिटांवर देखील झाल्याचं दिसत आहे.