संभाजीनगर: 'आधीसारखे संबंध ठेव नाहीतर...', मित्राने छळ छळ छळलं, निकीताच्या मृत्यूचं कारण समोर

काही दिवसांपूर्वी छत्रपती संभाजीनगर शहरातील अविष्कार कॉलनीत एका २४ वर्षीय तरुणीने गळफास घेऊन आत्महत्या केली होती. मृत्यूपूर्वी तिने आपल्या घरी फोन केला होता. तुम्हाला एका अज्ञात क्रमांकावरून फोन येतील. ते फोन उचलू नका. नंबर ब्लॉक करा, असं म्हटलं होतं. यानंतर तिने सुसाईड नोट लिहून आत्महत्या केली होती. निकीता रवींद्र पवार असं आत्महत्या करणाऱ्या तरुणीचं नाव होतं. पण निकीताच्या घरी कॉल करणारा हा अज्ञात तरुण नक्की कोण? तिने सुसाईड का केलं? तिच्यासोबत काय घडलं? असे अनेक प्रश्न अनुत्तरित होते. पण आता निकितीच्या मृत्यूचं कारण समोर आलं आहे.