Maharashtra politics : '...तर एक्झिट पोल खोटे ठरणार, इंडिया आघाडीला इतक्या जागा मिळतील'; दानवेंनी आकडाच सांगितला

छत्रपती संभाजीनगर, सिद्धार्थ गोदाम, प्रतिनिधी : देशात सध्या लोकसभेची रणधुमाळी सुरू आहे. लोकसभा निवडणुकीसाठी एकूण सात टप्प्यांत मतदान झालं, शनिवारी मतदानाचा सातवा टप्पा पार पडला आणि त्यानंतर लगेचच एक्झिट पोल देखील समोर आले. या एक्झिट पोलवर आता शिवसेना ठाकरे गटाचे नेते आणि विरोधी पक्षनेते अंबादास दानवे यांनी प्रतिक्रिया दिली आहे. 'सर्व्हे खरे असतात असा काही भाग नाही. जनतेचा पोल घेतला तर सर्व्हे खोटे पडतील. पंतप्रधान प्रचारात घसरले.हे सर्व्हे फोल ठरतील असं' अंबादास दानवे यांनी म्हटलं आहे.