CSMC election results: छ.संभाजीनगरमध्ये भाजपची कमाल, शिंदे गट आघाडीवर: मशालही पेटली

छत्रपती संभाजीनगर : छत्रपती संभाजीनगर महापालिका निवडणुकीसाठी मतमोजणी आता सुरू झाली आहे. टपाली मतमोजणीची आकडेवारी समोर आली आहे. पहिल्या कलमध्ये भाजप पिछाडीवर होतं, पण आता भाजप आघाडीवर आहे. भाजपने सर्वाधिक ९ जागांवर आघाडी घेतली आहे. त्यानंतर शिवसेना ५  जागांवर आघाडीवर आहे. तर ठाकरे गट आणि एमआयएम ४ जागांवर आघाडी घेतली असून टफ फाईट देत आहे.

छत्रपती संभाजीनगरमधे 59.82 टक्के इतकं मतदान झालं. संभाजीनगरमधून 115 सदस्याच्या 29 प्रभागांमधून 859 उमेदवार रिंगणात आहे. सर्वच पक्ष स्वबळावर लढल्याने निवडणूक रंगतदार झाली होती. मतमोजणी सुरू झाल्यानंतर पहिल्याा अर्धातासात टपाली मतदान प्रक्रिया पार पडली. जेव्हा टपाली मतदान सुरू झालं तेव्हा भाजप पिछाडीवर होतं. पण, नंतर ९ जागा घेऊन आघाडीवर आहे.  त्यापाठोपाठ शिवसेनेनंही कमबॅक केलं आहे.

छत्रपती संभाजीनगर पोस्टल निकाल -एकूण जागा - 115

छत्रपती संभाजी नगर निकाल

भाजप : 9

शिवसेना : 5

शिवसेना UBT : 4

एमआयएम : 4

काँग्रेस : 2

राष्ट्रवादी : 1

राष्ट्रवादी SP : 1

इतर

किती टक्के झालं मतदान?

महापालिकेच्या सातव्या सार्वत्रिक निवडणुकीसाठी काल सुमारे 59 टक्के मतदान झाले. बोगस मतदान, वादविवाद, मारामारी वगळता कुठेही मोठा अनुचित प्रकार झाला नाही. महापालिकेच्या 115 जागांसाठी 859 उमेदवार निवडणूक रिंगणात आहेत. 1267 मतदान केंद्रांवर मतदान घेण्यात आले. काही ठिकाणी ईव्हीएम बंद पडण्याचे प्रकार झाले. अर्ध्या तासात ईव्हीएम बदलण्यात आले. 2015 च्या निवडणुकीत 63 टक्के मतदान झाले होते. प्रभाग पद्धतीमुळे 4 टक्के मतदान घटल्याचे दिसून आले.

(निकाल अपडेट होत आहे)