Trending:

Pune Election 2026 : प्रशांत जगतापांसह रुपाली ठोंबरेंना 'झटका', पुण्यात दादांचा गेम? भाजपची जोरदार मुसंडी; सुरूवातीलाच धक्कादायक कल समोर!

Published by:Saurabh Talekar

Last Updated:Jan 16, 2026 10:51 AM IST

Pune Municipal Corporation Election Result : कुणाल टिळक स्वरदा बापट, स्वप्नाली पंडित, राघवेंद्र मानकर भाजपचे सर्व उमेदवार पहिल्या फेरीत आघाडीवर आहेत. तर रुपाली पाटील ठोंबरे पाटील पीछडीवर असल्याचं चित्र समोर आलं आहे.

इम्पॅक्ट शॉटतुमचा गेटवे लेटेस्ट न्यूज

Prashant jagtap Rupali thombare patil Pune Municipal Corporation Election

Pune Municipal Corporation Election 2026 : पुणे महापालिका निवडणुकीचे सुरूवातीचे कल हाती आले असून भाजपपचे जोरदार मुसंडी मारली आहे. 165 पैकी 30 कौल हाती आले असून 13 जागेवर भाजपने आघाडी घेतली आहे. तर अजित पवार गटाला मोठा धक्का बसला आहे. अजित पवार यांचे फक्त 7 उमेदवार आघाडीवर असल्याची माहिती समोर आलीये. तर कसब्यातून भाजप आघाडीवर आहे. कुणाल टिळक स्वरदा बापट, स्वप्नाली पंडित, राघवेंद्र मानकर भाजपचे सर्व उमेदवार पहिल्या फेरीत आघाडीवर आहेत. तर रुपाली पाटील ठोंबरे पाटील पीछडीवर असल्याचं चित्र समोर आलं आहे.

सुरुवातीच्या 45 मिनिटांच्या कलांमध्ये नुकतेच काँग्रेसमध्ये प्रवेश केलेले आणि महापालिका निवडणूक लढवत असलेले प्रशांत जगताप पिछाडीवर असल्याचे कळते. वानवडी भागात प्रशांत जगताप यांचे वर्चस्व आहे. गेल्या 15 वर्षांपासून ते वानवडी भागांतून निवडून येतात. परंतु दोन्ही राष्ट्रवादी जवळ येत असल्याने त्यांनी काही दिवसांपूर्वी शरद पवार यांची साथ सोडली होती. काँग्रेसमध्ये प्रवेश करून त्यांनी महापालिकेचे तिकीट मिळवले.

दरम्यान, पुणे महापालिकेच्या निवडणुकीसाठी तब्बल नऊ वर्षांनंतर शहरवासीयांना आपला कौल देण्याची संधी मिळाली आहे. शहरातील ४१ प्रभागांमधून एकूण १६५ नगरसेवक निवडून येणार आहेत. या निवडणुकीत चौरंगी सामना रंगला होता. महायुतीतील तीन पक्ष वेगळे लढत असल्याने स्पर्धा तीव्र झाली होती. अशातच आता कुणाच्या गळ्यात विजयाची माळ पडणार? असा सवाल विचारला जात आहे.