Delhi Election Results : ''भाजपची ‘बी टीम’ प्रमाणेच काम...'' रोहित पवारांचा थेट 'इंडिया' आघाडीला सवाल

भाजपने बहुमताचा आकडा पार केला असून 48 जागांवर आघाडी मिळवली आहे. सलग तीन वेळा दिल्ली काबीज करणाऱ्या आम आदमी पार्टीला यंदाच्या निवडणुकीत दारुण पराभवाचा सामना करावा लागत आहे. आप केवळ 22 जागांवर आघाडीवर आहे. दिल्ली विधानसभेच्या निवडणुकीत इंडिया आघाडीतील आम आदमी पक्ष आणि काँग्रेसने आघाडी न करता निवडणूक लढवली. आप आणि काँग्रेसने एकत्र निवडणूक लढवली असती तर भाजपसमोर आव्हान निर्माण झाले असते अशी चर्चा सुरू आहे. राष्ट्र्वादी काँग्रेस शरद पवार गटाचे नेते आमदार रोहित पवार यांनी दिल्लीत विधानसभा निवडणुकीची आकडेवारी देत इंडियाच्या आघाडीच्या नेत्यांना थेट सवाल केला आहे.