Navratri 2025: 15 किलो सोन्याची साडी आणि त्रिदेवींचा संगम! पुण्याच्या प्रसिद्ध बागेतील मंदिर माहिती आहे का?

पुणे: सध्या सर्वत्र शारदीय नवरात्रौत्सव सुरू आहे. सांस्कृतिक नगरी अशी ओळख असलेल्या पुण्यात देखील ठिकठिकाणी असलेल्या देवीच्या मंदिरांमध्ये नवरात्रीचा उत्सव सुरू आहे. अनेक भाविक या मंदिरांमध्ये दर्शनासाठी गर्दी करत आहेत. सारसबाग परिसरात असलेलं 'महालक्ष्मी मंदिर' हे देखील भाविकांचं श्रद्धा स्थान आहे. 40 वर्षांपूर्वी उभारण्यात आलेल्या या मंदिरात भक्तांना एकाच ठिकाणी महाकाली, महालक्ष्मी आणि सरस्वती या तीन शक्तींचं दर्शन घेण्याचं भाग्य लाभते. नवरात्रीच्या निमित्ताने या मंदिरात भाविकांची मोठी गर्दी होत असून विविध धार्मिक कार्यक्रमांचं आयोजनं केलं जात आहे.