Big Breaking : काँग्रेसला आणखी एक धक्का; धाराशिवमधून मोठी बातमी समोर

बालाजी निरफळ, धारशिव : लोकसभा निवडणुकीच्या पहिल्या टप्प्यातील मतदान आज पार पडत आहे. दरम्यान, काँग्रेसला धाराशिवमध्ये आणखी एक धक्का बसला आहे. काँग्रेसचे ज्येष्ठ नेते माजी मंत्री मधुकर चव्हाण यांचे पुत्र सुनील चव्हाण हे भाजपमध्ये प्रवेश करणार आहेत. मधुकर चव्हाण यांनी राज्याचे उपमुख्यमंत्री देवेंद्र फडणवीस यांची सोलापूरमध्ये भेट घेतली. देवेंद्र फडणवीस हे राम सातपुते आणि रणजितसिंह निंबाळकर यांचा उमेदवारी अर्ज दाखल करण्यासाठी सोलापूरमध्ये आले असताना त्यांनी भेट घेतली होती. त्यावेळी माजी मंत्री बसवराज पाटील हेसुद्धा सोबत होते. बसवराज पाटील यांच्यानंतर आता मधुकर चव्हाण यांचे पुत्र सुनिल चव्हाण हे देखील भाजपमध्ये प्रवेश करत असल्याने काँग्रेसला मोठा धक्का बसणार आहे.