Dharashiv News : रामलिंग मंदिर परिसरातील 9 माकडांच्या मृत्यूचं गूढ उकललं; तपासात धक्कादायक माहिती समोर

धाराशिव, प्रतिनिधी, बालाजी निरफळ :  धाराशिव जिल्ह्यातील प्रसिद्ध येडशी रामलिंगघाट अभयारण्यातील रामलिंग मंदिर परिसरातील एकापाठोपाठ नऊ माकडांचा मृत्यू  झाल्याची धक्कादायक घटना समोर आली होती. माकडांना उष्णतेमुळे त्रास होऊन त्यांचा मृत्यू झाल्याचा प्राथमिक निष्कर्ष सुरुवातीला काढण्यात आला होता. मात्र आता या प्रकरणाला वेगळं वळण लागलं आहे. अज्ञात व्यक्तीनं अन्नातून विष देऊन नऊ माकडांचा जीव घेतल्याची नवी माहिती समोर आली आहे. या प्रकरणात अज्ञात व्यक्तीविरोधात येडशी पोलीस ठाण्यात गुन्हा दाखल करण्यात आला आहे.