'तुला कापू का?' गळ्यावर कोयता लावून विकृताची डॉक्टरला धमकी, थरकाप उडवणारा CCTV VIDEO

बालाजी निरफळ, प्रतिनिधी धाराशिव : धाराशिव शहरातील सिव्हील रुग्णालय परिसरात एक धक्कादायक घटना उघडकीस आली आहे. इथं एका विकृताने शिकाऊ डॉक्टरच्या गळ्याला कोयता लावून त्याला जीवे मारण्याची धमकी दिली. तुझा गळा कापू का? असं विकृताने म्हटलं. तसेच बराच वेळ आरोपी डॉक्टरच्या कॉलरला पकडून धमकावत होता. हा सगळा प्रकार रुग्णालय परिसरात असलेल्या एका सीसीटीव्ही कॅमेऱ्यात कैद झाला आहे. या प्रकरणी दोन आरोपींविरोधात शहर पोलीस ठाण्यात गुन्हा दाखल करण्यात आला आहे. घटनेचा पुढील तपास सुरू आहे.