धाराशिवमध्ये पैसे वाटप प्रकरणात अदखलपात्र गुन्हा दाखल, ओमराजे पोलिसांवर संतापले, थेट जिल्हाधिकाऱ्यांना फोन

धाराशिव, बालाजी निरफळ, प्रतिनिधी : आज लोकसभा निवडणुकीसाठी तिसऱ्या टप्प्याच मतदान होत आहे. यामध्ये धाराशिव लोकसभा मतदारसंघाचा देखील समावेश आहे. मात्र याचदरम्यान जिल्ह्यातून मोठी बातमी समोर आली आहे. मतदान करण्यासाठी पैसे आणि दारूच्या बाटल्या वाटल्याच्या आरोपाखाली पोलिसांनी काही कार्यकर्त्यांवर गुन्हे दाखल केले आहेत. या कार्यकर्त्यांनी महायुतीच्या उमेदवार अर्चना पाटील यांना मतदान करण्यासाठी पैसे वाटल्याचा विरोधकांचा आरोप आहे. पोलिसांनी या प्रकरणात खरोसा गावातील माजी सरपंच प्रशांत डोके, तनुजा शेळके, इंदुबाई गुंजेटे, बालाजी गुंजेटे, प्रशांत डोके अशा चार जणांवर गुन्हा नोंद केला आहे.