दहा दिवसांपूर्वी लग्न, किल्ल्यावर फिरायला गेलेल्या नववधूला फोटो काढणं बेतलं जीवावर, तरुणीचा मृत्यू

बालाजी निरफळ, धाराशिव : धोकादायक ठिकाणी उभा राहून सेल्फी काढण्याचा मोह अनेकांना सुटत नाही. मात्र अशा सेल्फीमुळे आपण आपला जीव धोक्यात घालत आहोत याची कल्पना फोटो काढताना येत नाही. अनेकदा धोकादायक ठिकाणी सेल्फी काढताना खाली पडून मृत्यू झाल्याच्या घटना घडल्या आहेत. आता धाराशिवमधल्या नळदुर्ग किल्ल्यात बुरुजावर उभा राहून सेल्फी काढताना तोल गेल्यानं नवविवाहितेचा मृत्यू झाल्याची घटना घडलीय. अवघ्या १० दिवसांपूर्वी लग्न झालेल्या तरुणीच्या मृत्यूने मोठी खळबळ उडाली आहे.