Uddhav Thackeray : 'आपल्यासोबत दगा झाला, त्याचवेळी...' अन् भरसभेत उद्धव ठाकरेंनी घेतली तुळजा भवानीची शपथ

उद्धव ठाकरे यांनी भाजपवर जोरदार हल्लाबोल केला आहे. समाजातील प्रश्नांबद्दल भाजपचे मंत्री मोदींसमोर कधी बोलले,  केंद्रीय गृहमंत्र्यांना धाराशिव आणि छत्रपती संभाजीनगरचं नामांतर कोणी केलं हे माहित नाही, मग दहा वर्ष सत्तेत सोबत होतात, तेव्हाच का केलं नाही नामांतर असा सवाल उद्धव ठाकरे यांनी उपस्थित केला. पुढे बोलताना ते म्हणाले की, भाजपनं आपल्या पाठीत वार केला, अमित शाह यांनी मला बंद खोलीत शब्द देऊन दगा केला, तुळजा भवानीची शपथ घेतो मला शाहांनी शब्द दिला होता असं उद्धव ठाकरे यांनी म्हटलं आहे.