Dhule Lok Sabha Result 2024 : 15 वर्षांनंतर धुळे भाजपच्या हातातून जाणार? धक्कादायक आकडेवारी समोर

विद्यमान खासदार डॉ. सुभाष भामरे सलग दोन वेळा इथून निवडून आले आहेत. पक्ष नेतृत्वाने यावेळी त्यांना पुन्हा संधी दिली आहे. आता तिसऱ्यांदा ते निवडणुकीच्या रिंगणात उतरले. तर त्यांच्या विरोधात काँग्रेसच्या शोभा बच्छाव यांना उमेदवारी देण्यात आली होती. आता धुळ्यातील सुरुवातीचा कल समोर .येत आहे.

धुळे लोकसभा मतदारसंघात यंदा 60.61 टक्के मतदान झालं होतं. 2009 पासून या मतदारसंघावर भाजपचं वर्चस्व असलं तरी सध्याचं चित्र काहीसं वेगळं होतं. सध्या कांदा आणि कापूस निर्यातबंदीवरुन शेतकरी वर्गाची केंद्र सरकारवर नाराजी दिसून आली. मतदारसंघात रोजगाराचा प्रश्न गंभीर बनला होता. तसंच धुळे जिल्ह्यात सिंचन प्रकल्पासंदर्भात पाटचाऱ्या, कालव्यांचे प्रश्न कायम होता. त्यामुळे, मतदारराजा कोणाचं पारडं जड करणार? याकडे सगळ्यांचं लक्ष लागलं होतं.