Dhule News: धुळ्यात हिट अँड रनचा थरार! ट्रकने वाहनांना 1 किलोमीटर फरफटत नेलं, पत्रकाराचा जागीच मृत्यू

धुळे : गेल्या काही दिवसांपासून राज्यात हिट अँड रनच्या घटना वाढत असल्याचे पाहायला मिळत आहे. धुळे शहरात अशीच एक हादरवणारा अपघात घडला आहे. येथे एका भरधाव ट्रकने वाहनांना जोरदार धडक दिली. ज्यात एकाचा जागीच मृत्यू, तर तीन जण गंभीर जखमी झाल्याची माहिती मिळत आहे. भरधाव ट्रकने वाहनास जवळपास अर्धा ते एक किलोमीटर फरफटत नेल्याचं प्रत्यक्षदर्शी सांगत आहेत. ट्रकचालकाने परिसरातील नागरिक पाठीमागे लागल्याने आणखी दोघांना उडवलं, असं सांगण्यात येत आहे. या अपघातात पत्रकार हर्षल भदाणे यांचा मृत्यू झाला आहे.