धुळ्यात पुष्पा स्टाईल दारू तस्करी, तेलाच्या टँकरमधून सुरू होता धक्कादायक प्रकार, कांड पाहून पोलीस हैराण!

दिपक बोरसे, प्रतिनिधी धुळे: धुळ्यात स्थानिक गुन्हे शाखेनं मोठी कारवाई केली आहे. पोलिसांनी खाद्य तेलाच्या टँकरमधून होणाऱ्या दारु तस्करीचा भांडाफोड केला आहे. 'पुष्पा' चित्रपटाप्रमाणे खाद्यतेलाच्या टँकरमधून दारू तस्करी सुरू होती. याबाबतची गुप्त माहिती मिळाल्यानंतर धुळे पोलिसांनी दारू तस्करीचा पर्दाफाश केला आहे. स्थानिक गुन्हे शाखेने मुंबई-आग्रा महामार्गावर कारवाई करत तब्बल १ कोटी रुपयांचा मुद्देमाल जप्त केला आहे. यामध्ये ५६ लाख रुपयांच्या विदेशी दारूचा साठा आहे.