Ladki Bahin Yojana : अजित पवारांच्या पुण्यात सर्वाधिक बोगस ‘लाडक्या’, बाकी मंत्र्यांच्या जिल्ह्यांतील स्थिती काय? पाहा यादी

मुंबई: विधानसभा निवडणुकीत गेमचेंजर ठरलेल्या मुख्यमंत्री लाडकी बहीण योजनेतील बोगस लाभार्थी योजनेतून बाहेर काढण्याची प्रक्रिया सुरू झाली आहे. या योजनेमुळे सरकारच्या तिजोरीवर मोठा भार पडत असल्याची चर्चा सुरू आहे. निवडणुकीच्या आधी पुरेशी पडताळणी न करता योजनेचा लाभ देण्यात आला. निवडणूक निकालानंतर निकषांची काटेकोर बजावणी करण्यास सरकारने सुरुवात केली आहे. प्रशासनाने केलेल्या पडताळणीत उपमुख्यमंत्री अजित पवार यांच्या पुणे जिल्ह्यात सर्वाधिक बोगस लाभार्थी असल्याची माहिती समोर आली आहे. सरकारने २६ लाखांहून अधिक लाभार्थींचा निधी रोखला आहे.