Eknath Shinde Uddhav Thackeray: कोकणातून सुरुवात, राज्यातही सूर जुळणार? शिंदे गटात अस्वस्थता, मातोश्रीवर 'घरवापसी'च्या हालचाली!

मुंबई: राज्यात सुरू असलेल्या २६७ नगर परिषद, नगरपालिका निवडणुकांच्या पार्श्वभूमीवर महायुतीतील शिवसेना शिंदे गटात अंतर्गत अस्वस्थता चव्हाट्यावर आली आहे. निवडणुका, गुन्हे, आरोप-प्रत्यारोप आणि युतीतील वाढता अविश्वास या सर्वांच्या भोवऱ्यात शिंदे गटातील अनेक नेते पुन्हा ‘मातोश्री’ची आठवण काढू लागल्याचे संकेत राजकीय वर्तुळांतून मिळत आहेत. त्यामुळे अनेकजण ठाकरे गटात आगामी काळात घरवापसी करणार असल्याची चर्चा सुरू झाली आहे. मागील दोन दिवसात ठाकरे गटात शिंदेंच्या महत्त्वाच्या नेत्यांनी घरवापसी केली आहे. त्यामुळे परत येणाऱ्यांसाठी मातोश्रीचे दरवाजे खुले झाल्याची चर्चा सुरू झाली आहे.