Swayam Siddha Yojana : महिलांनो स्वत:चा व्यवसाय सुरू करायचा का? सरकार देतंय 10 लाखांची मदत, कुठे अन् कसा करायचा अर्ज?

मुंबई : राज्य सरकारने महिलांना आर्थिक सक्षमीकरण देण्यासाठी आणि त्यांना स्वावलंबी बनवण्यासाठी महिला स्वयंसिद्धी योजना राबविली आहे. या योजनेअंतर्गत इतर मागास प्रवर्गातील गरीब महिलांना विविध व्यवसाय सुरू करण्यासाठी साधारण 5 लाख ते 10 लाख रुपये कर्ज मिळू शकते. कर्जासाठी व्याजदर 12 टक्के निश्चित करण्यात आले असून, कर्ज घेणाऱ्या महिलांना हा व्याज परतावा सुलभ पद्धतीने दिला जातो. योजना महिला आदिक विकास महामंडळाच्या लोकसंचालित केंद्रांच्या माध्यमातून राबविली जाते.